Samsung Galaxy A16 4G | بطارية تدوم طويلاً وأداء موثوق

سامسونج أعلنت عن موبايلها الجديد، Samsung Galaxy A16 4G لسنة 2024، وده يعتبر اختيار جامد لو بتدور على موبايل اقتصادي بس بمواصفات حلوة. الموبايل ده فيه كل اللي ممكن تحتاجه في استخدامك اليومي، زي تصفح النت والسوشيال ميديا والمكالمات، كمان شكله شيك وبيستحمل تحديثات كتير. تعالوا نشوف كل تفاصيل الموبايل ده، إيه مميزاته وعيوبه وسعره في العالم وهل يستاهل تشتريه ولا لأ.

جدول مواصفات Samsung Galaxy A16 4G

المواصفات	التفاصيل
اسم الجهاز	Samsung Galaxy A16 4G.
تاريخ الإعلان	أكتوبر 2024.
تاريخ الإصدار	أكتوبر 2024.
الأسواق	موجه للأسواق العالمية.
الألوان المتاحة	الرمادي، الأخضر، الأسود.
الأبعاد	164.4 × 77.9 × 7.9 ملم.
الوزن	200 جرام.
خامات التصنيع	البلاستيك.
دعم الشبكات	2G, 3G, 4G.
عدد الشرائح ونوعها	شريحتين، (Nano-SIM).
الشاشة	Super AMOLED بقياس 6.7 بوصة، دقة FHD+ (1080×2340 بكسل)، كثافة 385 بكسل لكل إنش، معدل تحديث 90 هرتز، سطوع يصل إلي 800 شمعة.
المعالج	MediaTek Helio G99، ثماني النواة بتقنية 6 نانومتر وترددات تصل إلى 2.2 جيجاهرتز مع معالج رسومي Mali-G57 MC2.
خيارات التخزين	128 جيجا مساحة تخزين مع 4 جيجا رام.  256 جيجا مساحة تخزين مع 6 جيجا رام. 256 جيجا مساحة تخزين مع 8 جيجا رام.  دعم بطاقة ذاكرة خارجية حتى 1 تيرابايت.
نظام التشغيل	Android 14 مع واجهة One UI 6.
الكاميرا الخلفية	50 ميجابكسل (رئيسية) بفتحة عدسة (F/1.8) مع مثبت إلكتروني وتركيز تلقائي. 5 ميجابكسل (زاوية واسعة) بفتحة عدسة (F/2.2). 2 ميجابكسل (ماكرو) بفتحة عدسة (F/2.4). تصوير فيديو بجودة حتي FHD بمعدل 30 إطار في الثانية. دعم الفلاش.
الكاميرا الأمامية	13 ميجابكسل بفتحة عدسة F/2.0 مع تصوير فيديو بجودة حتي FHD بمعدل 30 إطار في الثانية.
الصوتيات	سماعة مونو (لا يدعم صوت ستيريو).
الاتصالات	Wi-Fi 5, Bluetooth 5.3, NFC, GPS.
مدخل الاتصالات	من نوع USB Type-C 2.0 مع دعم OTG.
مستشعر	التسارع، القرب (عن طريق السوفتوير)، البوصة، الجيروسكوب، Touch ID مدمج في زر الطاقة.
مقاومة الماء والغبار	معيار IP54، مقاومة خفيفة للغبار ورذاذ الماء.
البطارية والشحن	5000 مللي أمبير، شحن سريع 25 واط.
محتويات العلبة	الهاتف، كابل Type-C، دبوس SIM، كتيب تعليمات وضمان.

مميزات Samsung Galaxy A16 4G

1. شاشة بجد تحفة:

الموبايل جاي بشاشة Super AMOLED بدقة FHD+ ومعدل تحديث 90Hz، يعني هتاخد تجربة بصرية ممتازة مقارنة بسعره.

2. بطارية بتعيش معاك اليوم كله:

بطارية كبيرة 5000 مللي أمبير وكمان شحن سريع 25 واط هيكفوا استخدامك طول اليوم لو بتستخدم الموبايل كتير.

3. أداء كويس:

الموبايل شغال بمعالج MediaTek Helio G99 بتكنولوجيا 6 نانومتر، وده بيديله أداء كويس للتطبيقات العادية والألعاب الخفيفة والمتوسطة.

4. شكل عصري:

الموبايل شكله أنيق ورفيع وفيه ألوان حلوة هتعجبك.

5. تحديثات مضمونة لسنين طويلة:

سامسونج هتدعم الموبايل ده بـ 6 تحديثات أساسية للنظام و6 سنين تحديثات أمان، وده بيخليه اختيار كويس لو عايز موبايل تعيش معاك فترة طويلة.

6. متخافش من المية ولا التراب:

الموبايل معاه شهادة IP54، يعني محمي من التراب ورذاذ المية الخفيف.

7. الدفع بقى أسهل:

خاصية NFC دي إضافة مفيدة جداً لو بتستخدم الدفع الإلكتروني.

عيوب Samsung Galaxy A16 4G

1. الشحن ياخد وقت شوية:

الشحن السريع 25 واط ممكن يكون أبطأ من موبايلات تانية في نفس الفئة بتوصل لـ 67 واط.

2. تصميم تقليدي شوية وحواف الشاشة كبيرة:

صحيح إن تصميم الموبايل اتحسن شوية بالذات في الحواف الجانبية عن الموديل اللي فات ، بس برضه شكله ممكن يكون قديم بالنسبة للبعض والحافة اللي تحت الشاشة كبيرة.

3. مفيش خاصية Always On Display:

الموبايل مفيهوش خاصية عرض المعلومات على الشاشة وهي مقفولة، وده غريب شوية عشان الشاشة Super AMOLED.

4. صوت مش استيريو:

الموبايل فيه سماعة واحدة بس مش اتنين، وده بيأثر على جودة الصوت لو بتتفرج على فيديوهات أو بتلعب ألعاب، بس برضه الصوت كويس في فئته السعرية.

5. مفيش مكان للسماعات السلك:

حاجة مش لطيفة إن مفيش مكان للسماعات السلك في موبايل في الفئة دي، وده هيخليك تشتري سماعات بلوتوث غالية أو تستخدم وصلة إضافية.

6. مستشعرات سوفتوير مش هاردوير:

الموبايل بيستخدم مستشعرات زي مستشعر القرب عن طريق السوفتوير، ودي بتكون أقل دقة من المستشعرات الهاردوير.

سعر Samsung Galaxy A16 4G عالميًا

سعر الموبايل بيتراوح بين 149 و 199 دولار. الأسعار دي ممكن تختلف على حسب الضرايب والعروض في كل بلد، فمن الأفضل تشوف الأسعار في المحلات اللي حواليك عشان تعرف السعر بالظبط.

هل يستاهل Samsung Galaxy A16 4G الشراء؟

Samsung Galaxy A16 4G يعتبر اختيار كويس في الفئة الاقتصادية، لأنه بيجمع بين شاشة حلوة وبطارية قوية وتحديثات مضمونة لفترة طويلة. بس لو بتدور على شحن أسرع أو أداء أقوى للألعاب التقيلة، ممكن تفكر في اختيارات تانية. الموبايل ده مناسب أوي للناس اللي عايزة جهاز يعتمدوا عليه في استخدامهم اليومي ويكون فيه مميزات عصرية وسعره معقول.

الأسئلة الشائعة

1. إيه أهم مميزات Samsung Galaxy A16 4G؟

أهم مميزاته شاشة Super AMOLED بدقة FHD+، بطارية كبيرة 5000 مللي أمبير بتعيش طويل، أداء كويس بمعالج MediaTek Helio G99، وشكل أنيق مع دعم NFC ومقاومة المية والتراب بمعيار IP54.

2. هل Samsung Galaxy A16 4G بيدعم شبكات الجيل الخامس (5G)؟

لأ، الموبايل ده بيدعم شبكات الجيل الرابع (4G) بس.

3. سطوع شاشة Samsung Galaxy A16 4G قد إيه؟

شاشة الموبايل بتوصل لسطوع 800 شمعة، وده بيخلي الرؤية واضحة حتى في الإضاءة القوية.

4. هل Samsung Galaxy A16 4G فيه مكان للسماعات السلك 3.5 ملم؟

لأ، الموبايل مفيهوش مكان للسماعات 3.5 ملم وبيعتمد على منفذ USB-C.

5. إيه هي خيارات التخزين المتاحة في Samsung Galaxy A16 4G؟

الموبايل بيجي بتلات خيارات تخزين: 128 جيجا مع 4 جيجا رام، 256 جيجا مع 6 جيجا رام، و256 جيجا مع 8 جيجا رام، وكمان ممكن تزود كارت ميموري خارجي لحد 1 تيرابايت.

6. إيه هو معيار مقاومة المية والتراب في Samsung Galaxy A16 4G؟

الموبايل معاه معيار IP54 اللي بيوفر حماية خفيفة ضد التراب ورذاذ المية.

7. كام تحديث هيوصل لـ Samsung Galaxy A16 4G؟

سامسونج هتدعم الموبايل ده بـ 6 تحديثات أساسية للنظام و6 سنين تحديثات أمان.

8. هل Samsung Galaxy A16 4G بيدعم الشحن السريع؟

أيوة، الموبايل بيدعم الشحن السريع بقدرة 25 واط.

9. إيه أهم عيوب Samsung Galaxy A16 4G؟

من أهم العيوب: مفيش سماعات ستيريو، الشحن أبطأ شوية، حواف الشاشة كبيرة، مفيش خاصية Always On Display، مفيش مكان للسماعات 3.5 ملم، ومفيش مستشعرات هاردوير للقرب.

10. سعر Samsung Galaxy A16 4G عالميًا كام؟

سعر الموبايل عالميًا بيتراوح بين 149 و 199 دولار، وبيختلف على حسب الأسواق المحلية.