Samsung Galaxy A15 4G | أداء ثابت وتصميم جذاب بسعر اقتصادي

سامسونج عاملة شغل كويس في الفئة الاقتصادية بموبايلاتها الـ Galaxy A، وواحد من الموبايلات اللي نزلت في 2023 وكان عليه كلام هو Samsung Galaxy A15 4G. الموبايل ده متركّز على الناس اللي مش عايزة تدفع كتير وفي نفس الوقت عايزة موبايل يِقضي احتياجاتها اليومية، شكله حلو وأدائه معقول لو بتحب تلعب أو تستخدم الحاجات الأساسية. تعالوا نشوف مواصفات الموبايل ده بالتفصيل ونعرف إيه الحلو وإيه الوحش فيه وسعره عامل إيه عالميًا، وهل فعلًا يستاهل الشراء ولا لأ.

جدول مواصفات Samsung Galaxy A15 4G

المواصفات	التفاصيل
اسم الجهاز	Samsung Galaxy A15 4G.
تاريخ الإعلان	ديسمبر 2023.
تاريخ الإصدار	ديسمبر 2023.
الأسواق	موجه للأسواق العالمية.
الألوان المتاحة	الأسود، الأصفر، الأزرق.
الأبعاد	160.1 × 76.8 × 8.4 ملم.
الوزن	200 جرام.
خامات التصنيع	ظهر بلاستيكي، إطار بلاستيكي.
دعم الشبكات	2G, 3G, 4G.
عدد الشرائح ونوعها	شريحتين، (Nano-SIM).
الشاشة	6.5 بوصة، Super AMOLED، جودة FHD+، دقة 1080×2340 بكسل، معدل كثافة 396 بكسل لكل إنش، معدل تحديث 90 هرتز، سطوع 800 شمعة.
المعالج	Mediatek Helio G99 ثماني النواة بتقنية تصنيع 6 نانومتر وترددات تصل إلي 2.2 جيجاهرتز مع معالج رسومي Mali-G57 MC2.
خيارات التخزين	128 جيجا مساحة تخزين مع 4 جيجا رام.  128 جيجا مساحة تخزين مع 6 جيجا رام.  256 جيجا مساحة تخزين مع 8 جيجا رام.  دعم ذاكرة تخزين خارجية حتي 1 تيرابايت.
نظام التشغيل	Android 14 مع واجهة One UI 6.
الكاميرا الخلفية	50 ميجابكسل (رئيسية) بفتحة عدسة (F/1.8) مع تركيز تلقائي. 5 ميجابكسل (زاوية عريضة) بفتحة عدسة (F/2.2). 2 ميجابكسل (ماكرو) بفتحة عدسة (F/2.4). تصوير فيديو بجودة حتى FHD بمعدل 30 إطار في الثانية. دعم الفلاش.
الكاميرا الأمامية	13 ميجابكسل، فتحة عدسة F/2.0 مع تصوير فيديو بجودة حتى FHD بمعدل 30 إطار في الثانية.
الصوتيات	سماعة مونو (لا يدعم صوت ستيريو) مع منفذ 3.5 ملم لسماعات الأذن.
الاتصالات	Wi-Fi 5, Bluetooth 5.2, NFC, GPS.
مدخل الاتصالات	من نوع USB Type-C 2.0 مع دعم OTG.
مستشعر	التسارع، القرب (عن طريق السوفتوير)، البوصلة، Touch ID مدمج في زر الطاقة.
مقاومة الماء والغبار	لا توجد شهادة رسمية لمقاومة الماء والغبار.
البطارية والشحن	5000 مللي أمبير، شحن سريع 25 واط.
محتويات العلبة	الهاتف، كابل Type-C، دبوس SIM، كتيب الإرشادات.

إيه اللي يخليك تحب Samsung Galaxy A15 4G؟

1. الشاشة حكاية:

الشاشة Super AMOLED وكمان FHD+ يعني هتاخد تجربة مشاهدة تحفة والألوان هتبقى زاهية جدًا، ده غير إنها 90 هرتز والسطوع بيوصل لـ 800 شمعة، يعني هتشوف كويس حتى تحت الشمس.

2. البطارية بتستحمل:

بطارية 5000 مللي أمبير هتقعد معاك اليوم كله، وكمان فيها شحن سريع 25 واط.

3. شكله شيك:

تصميم عصري والخامات خفيفة ومريحة في الإيد، وده كويس أوي بالنسبة لسعره.

4. هيعيش معاك كتير:

سامسونج هتدعم الموبايل ده بـ 4 تحديثات نظام رئيسية و5 تحديثات أمان، يعني هتستخدمه فترة طويلة وأنت مطمن.

5. الألعاب شغالة تمام:

المعالج Helio G99 هيخلي الألعاب تشتغل كويس بالنسبة لفئته السعرية.

6. الدفع الإلكتروني سهل:

فيه خاصية NFC ودي مش موجودة كتير في الموبايلات دي، هتنفعك في الدفع عن طريق الموبايل والحاجات الذكية التانية.

7. السماعة القديمة شغالة:

شركات كتير دلوقتي بتشيل فتحة الـ 3.5 ملم عشان الناس تشتري سماعات لاسلكية غالية، لكن سامسونج هنا موفرة الفتحة دي عشان لو عندك سماعة سلك هتقدر تستخدمها عادي جدًا.

إيه اللي ممكن يضايقك في Samsung Galaxy A15 4G؟

1. الحواف شكلها قديم والتاتش فيه كلام:

حواف الشاشة كبيرة شوية لو قارنته بموبايلات تانية في نفس الفئة. وكمان فيه ناس كتير اشتكت إن التاتش مش دقيق أوي، وسامسونج حاولت تحل المشكلة دي بتحديثات السوفتوير بس لسه فيه ناس بتشتكي منه.

2. الشحن بطيء شوية:

شحن 25 واط يعتبر بطيء لو قارنته بموبايلات منافسة بتدي سرعات شحن أعلى.

3. المستشعرات قليلة:

مفيش مستشعر جيروسكوب وتسارع حقيقي، وده ممكن يأثر على تجربة الألعاب والمكالمات بالذات.

4. الصوت من سماعة واحدة:

الصوت اللي هيطلع من سماعة واحدة بس مش Stereo، وده ممكن يخلي الصوت مش أحسن حاجة.

5. الشاشة مش شغالة على طول:

مع إن الشاشة Super AMOLED، مفيش خاصية الـ Always-On-Display.

6. الشبكة والواي فاي مش أحسن حاجة:

أداء الاتصالات اللاسلكية مش قوي زي ما كنا متوقعين مقارنة بالمنافسين.

سعر Samsung Galaxy A15 4G كام؟

السعر العالمي للموبايل ده بيتراوح بين 149 و 199 دولار. طبعًا الأسعار بتختلف من مكان للتاني ومن متجر للتاني، فلو عايز تعرف السعر بالظبط في بلدك شوف المتاجر المحلية.

طيب، Samsung Galaxy A15 4G يستاهل تشتريه ولا لأ؟

Samsung Galaxy A15 4G يعتبر اختيار كويس لو عايز موبايل اقتصادي للاستخدام اليومي، خاصةً لو بتهتم بالشاشة الحلوة والبطارية اللي بتدوم والأداء المعقول في الألعاب. لكن لو مهم عندك أداء الشبكات والصوت الاستيريو، ممكن تشوف اختيارات تانية، وممكن كمان تشوف الإصدار الأحدث من الموبايل ده علشان تبقى كونت صورة كاملة تساعدك فى قرار الشراء.

أسئلة ممكن تيجي في بالك:

1. إيه أهم مميزات Samsung Galaxy A15 4G؟

أهم مميزاته: شاشة Super AMOLED بدقة FHD+، بطارية 5000 مللي أمبير، تصميم شيك، وأداء كويس في الألعاب بفضل معالج Helio G99.

2. وإيه عيوب Samsung Galaxy A15 4G؟

أهم عيوبه: سرعة الشحن 25 واط أبطأ من المنافسين، حواف الشاشة كبيرة ومشاكل في التاتش، مفيش خاصية Always-On-Display، الصوت Mono، المستشعرات قليلة، وأداء الشبكة والواي فاي مش أحسن حاجة.

3. نظام التشغيل اللي شغال بيه Samsung Galaxy A15 4G إيه؟

الموبايل شغال بنظام Android 14 مع واجهة سامسونج One UI 6.

4. فيه منه كام نسخة من ناحية التخزين والرام؟

فيه منه ثلاث نسخ: 128 جيجا مع 4 جيجا رام، 128 جيجا مع 6 جيجا رام، و256 جيجا مع 8 جيجا رام، وكمان ممكن تركبله كارت ميموري لحد 1 تيرابايت.

5. Samsung Galaxy A15 4G فيه NFC؟

أيوة، فيه خاصية NFC، ودي هتفيدك في الدفع الإلكتروني والحاجات الذكية التانية.

6. بيدعم شبكات الجيل الخامس؟

لأ، بيدعم شبكات 2G و 3G و 4G بس.

7. قوة الشحن بتاعته كام وات؟

بيدعم شحن سريع بقوة 25 واط، وده يعتبر أبطأ من بعض المنافسين في نفس السعر.

8. الكاميرا بتاعته عاملة إيه؟

الكاميرا الخلفية الأساسية بدقة 50 ميجابكسل، والأمامية بدقة 13 ميجابكسل، والكاميرتين بيصوروا فيديو بجودة FHD بمعدل 30 إطار في الثانية.

9. سعره كام بالظبط؟

سعره عالميًا بيتراوح بين 149 و 199 دولار، وبيختلف حسب المكان والمتجر اللي هتشتريه منه.

10. أخيرًا، تنصحني أشتريه ولا أشوف غيره؟

لو عايز موبايل اقتصادي بشاشة حلوة وبطارية قوية وأداء مقبول للألعاب، ممكن يكون اختيار كويس ليك. لكن لو مهم عندك حاجات زي الصوت الاستيريو أو إنه يكون مقاوم للمية والتراب، ممكن تدور على موبايل تاني.